ორშაბათ დღეს, 2 ივლისს კრიპტოვალუტის ბაზარმა, საკმაოდ რთული კვირის შემდეგ, აშაკარად დაიწყო ზრდა.
ბიტკოინმა კრიტიკული ზღვარი გადალახა და 6.000 დოლარის ნიშნულს ასცდა. გუშინდელი დღის მონაცემებით, კრიპტოვალუტა 6.500-დან 6.599 დოლარს შორის მერყეობდა.
უნდა აღინიშნოს, რომ ბიტკოინმა ბოლო 24 საათის განმავლობაში 4%-ით მოიმატა.
რაც შეეხება ეთერიუმს: კრიპტოვალუტამ უკანასკნელი 24 საათის განმავლობაში ფასის 6%-იანი ზრდა მოახერხა.
ორშაბათს, ეთერიუმის ფასის მაჩვენებელი 470 დოლარის ირგვლივ მერყეობდა.
Coinmarketcap- ის ათეულში შემავალმა, IOTA-მ 24 საათის განმავლობაში კურსის 9%-ით გაუმჯობესება მოახერხა. გუშინდელი მონაცემებით, IOTA-ს ღირებულება 1.13 დოლარს შეადგენდა.
რაც შეეხება მთლიან საბაზრო კაპიტალიზაციას, შაბათ-კვირის კაპიტალიზაციასთან შედარებით, რა თქმა უნდა, მონაცემები გაუმჯობესებულია. თუ კვირას მთლიანი ბაზრის კაპიტალიზაცია 258 მილიარდი დოლარი დაფიქსირდა, გუშინდელი მონაცემებით, კრიპტოვალუტების მთლიანმა კაპიტალიზაციამ 269 მილიარდი დოლარი შეადგინა.
