ჰონგ-კონგის პოლიციამ სამი ადამიანი დააკავა. მათ ბრალად ედებათ კრიპტოვალუტის აპარატიდან 226.000 დოლარის ღირებულების ბიტკოინის მოპარვა.
აღნიშნულ ფაქტთან დაკავშირებით South China Morning Post-ი წერს, რომ დაკავებულები გაცილებით დიდი დანაშაულებრივი ოპერაციის მონაწილეები არიან.
სტატიაში ასევე აღნიშნულია, რომ ჰონგ-კონგში ეს არის პირველი შემთხვევა, როდესაც ბიტკოინის ბანკომატებთან დაკავშირებული ქურდობის შემთხვევა დაფიქსირდა.
ამასთანავე, უნდა აღინიშნოს, რომ კრიპტო აპარატების რიცხვი მსოფლიო მასშტაბით გაიზარდა.
CoinATMRadar-ის მონიტორინგის თანახმად, 73 ქვეყანაში ამჟამად 8208 ბიტკოინის აპარატი მოქმედებს, რომელიც მომხმარებლებს საშუალებას აძლევს შეიძინოს და გაყიდოს კრიპტოვალუტა ნაღდი ანგარიშსწორებით.
ციფრული ვალუტის აპარატების უმეტესობა, 6000-ზე მეტი ამერიკის შეერთებული შტატებია განთავსებული.
კვლევის მიხედვით, 2020 წლის მარტის შემდეგ ბიტკოინის ავტომატების რიცხვი 17%-ით გაიზარდა. ეს შესაძლოა, კრიპტოვალუტის მზარდ მოთხოვნილებაზე მიანიშნებდეს.
