ნიდერლანდების ცენტრალურმა ბანკმა ინვესტორები, რომლებიც იყენებენ KuCoin-ს გააფრთხილა. განცხადებაში ნათქვამია, რომ ბირჟა იურიდიული რეგისტრაციის გარეშე მუშაობდა.
„ამან შეიძლება გაზარდოს კლიენტების მიერ ფულის გათეთრების ან ტერორიზმის დაფინანსებაში ჩართვის რისკი“, – ამბობს De Nederlandsche Bank-ი.
განცხადებაში ცენტრალურმა ბანკმა აღნიშნა, რომ MEK Global Limited, რომელიც ახორციელებს ბიზნესს ნიდერლანდებში KuCoin-ის სახელით, არ შეესაბამება ქვეყნის ფულის გათეთრებისა და ტერორიზმის დაფინანსების წინააღმდეგ ბრძოლის მარეგულირებელ სისტემას.
De Nederlandsche Bank-მა დაამატა, რომ კრიპტო კომპანია მომხამრებლებს არალეგალურ მომსახურებას სთავაზობდა.
2017 წელს გამოშვებული KuCoin-ის სათაო ოფისი მდებარეობს სეიშელის კუნძულებზე. უნდა აღინიშნოს, რომ KuCoin-ი იყო მარეგულირებლებისა და კანონმდებლების შემოწმების საგანი კრიპტო ბაზრის ვარდნისა და FTX-ის დაშლის ფონზე.
აღსანიშნავია, რომ ივლისში აღმასრულებელმა დირექტორმა, ჯონი ლიუმ, უარყო ჭორები გადახდისუუნარობის შესახებ.
