Deutsche Bank-ი: ბიტკოინის უგულებელყოფა დაუშვებელია

0
1267

Deutsche Bank-ი წარმოადგენს მსოფლიო მასშტაბის საბანკო გიგანტს. ბანკის ანალიტიკოსების შეფასებით, ბიტკოინის კაპიტალიზაციამ 1 ტრილიონ დოლარს გადააჭარბა.

ამასთანავე, რადგან კრიპტოვალუტა ისევ განაგრძობს ზრდას, ამ ტემპებით, მათი აზრით, ბიტკოინის უგულებელყოფა ახლა ნამვილად სიგიჟე იქნება.

შესაბამისად, ბანკი იმედოვნებს, რომ სახელმწიფო და ცენტრალური ბანკები მალე დაიწყებენ კრიპტოვალუტისთვის რეგულაციის შემუშავებას, რათა უფრო ფართოდ იქნეს ბიტკოინი ხელმისაწვდომი.

Deutsche Bank Research-მა გამოაქვეყნა ანგარიში, რომელიც ეძღვნებოდა მხოლოდ ბიტკოინს. 18-გვერდიან კვლევაში Deutsche Bank Research-ი აღწერს ბიტკოინის ძირითად მახასიათებლებს და აანალიზებს მისი ფასების ისტორიული ზრდის ძირითად მამოძრავებელ ასპექტებს.

Deutsche Bank-ის ანალიტიკოსების ვარაუდით, ბიტკოინის ფასი შეიძლება კვლავ გაიზარდოს, სანამ აქტივების მენეჯერები და კომპანიები განაგრძობენ ბაზარზე შემოსვლას.

კვლევაში ხაზგასმით იქნა აღნიშნული, რომ ცენტრალურ ბანკებსა და მთავრობებს ახლა ესმით, რომ ბიტკოინი და სხვა კრიპტოვალუტები რეალურია.

კვლევაში ისიც წერია, რომ 2021 წლის ბოლოსთვის რეგულაციის სისტემა ჩამოყალიბდება.

დატოვეთ კომენტარი

კომენტარი