ძმები უინკლევოსების კრიპტოვალუტის ბირჟა ავსტრალიაში იწყებს მუშაობას. ავსტრალიის პლატფორმაზე კრიპტო მომხმარებლებს შეეძლებათ ციფრული ვალუტის გაყიდვა, შეძენა და დაგროვება.
ავსტრალიის მაცხოვრებლებს უკვე შეუძლიათ გადმოწერონ Gemini-ს აპლიკაცია თავიანთ სმარტფონებში.
ამ ეტაპზე ბირჟაზე ბიტკოინით, ეთერიუმით, ბიტკოინ Cash-ით, ლაიტკოინითა და Zcash-ით ვაჭრობა არის შესაძლებელი.
რამდენიმე თვის წინ მედიით გავრცელდა ინფორმაცია, რომ კემერონ და ტეილორ უინკლევოსების კრიპტოვალუტის ბირჟა Nasdaq-თან პარტნიორობას იწყებდა.
ახალი ამბები იმ დღეს გავრცელდა, რა დღესაც NASDAQ-ის აღმასრულებელმა დირექტორმა, ადანა ფრიდმენმა განაცხადა, რომ კომპანია “ღიაა” კრიპროვალუტის ბირჟის პლატფორმის შესაქმნელად. ეს კი მოხდება მაშინ, როცა ბაზარი დასტაბილურდება.
როგორც პრეს-რელიზში იყო აღნიშნული უინკლევოსების ბირჟა NASDAQ-ის SMARTS-ის ტექნოლოგიას ბაზრის მონიტორინგის მიზნით გამოიყენებდა.
“NASDAQ- ის SMARTS-ის მიერ ბაზრის მონიტორინგი ხელს შეუწყობს იმის უზრუნველყოფას, რომ “ტყუპები” ყველა ბაზრის მონაწილეებისთვის საერთო წესებს დააწესებენ”, – განაცხადა ტეილორ უინკლევოსმა NASDAQ-თან პარტნიორობის შესახებ.
