ავსტრალიაში საგადასახადო კომპანია Gobbill-მა და კრიპტოვალურის სავაჭრო ბირჟა Cointree-მ პარტნიორობის ხელშეკრულება გააფორმა, რომელიც მიზანდ ისახავს კირპტოვალუტებით გადასახადების გადახდას.
აღნიშნული პარტნიორობა ავსტრალიის მოქალაქეებს საშუალებას მისცემს, რომ 50-დან 100-მდე კრიპტოვალუტით შეძლონ კომუნალური გადასახადების გადახდა.
ოფიციალურ განცხადებაში ნათქვამია: “ჩვენ მიერ დადებული ხელშეკრულება მომხმარებლებს საშუალებას მისცემს, ორივე პლატფორმის მეშვეობით, კომუნალური გადასახადები გადაიხადონ Cointree-ს საფულეში შენახული კრიპტოვალუტების საშუალებით.”
Gobbill-ის ვებ-გვერდზე კი ნათქვამია, რომ ავსტრალიაში მოქმედი ნებისმიერი პროვაიდერიდან მომხმარებელს შეუძლია გადაიხადოს კომუნალური, სატელეკომუნიკაციო, სადაზღვევო გადასახადი და სხვა.
“ჩვენ ამჟამად ვმუშაობთ Gobbill-თან ინტეგრაციაზე, რათა ჩვენს ბირჟაზე მოცემული ნებისმიერი კრიპტოვალუტის გამოყენებით შეეძლოს მომხმარებელს გადახდა”,- წერია Cointree-ის ვებ-გვერდზე.
როგორც განცხადებიდან ირკვევა, ინტეგრაცია დასრულდება დაახლოებით ერთი თვის განმავლობაში. ამის შემდეგ, კი მომხმარებლებს შეეძლებათ გადაიხადონ ბირჟაზე არსებული გადასახადები ნებისმიერი კრიპტოვალუტის გამოყენებით. მანამდე კი, მომხმარებლები გადასახადების გადახდას მხოლოდ ბიტკოინით შეძლებენ.
