World Liberty Financial (WLFI) — კრიპტოვალუტის საინვესტიციო პლატფორმა, რომელიც აშშ-ის პრეზიდენტის, დონალდ ტრამპის მხარდაჭერით ფუნქციონირებს, $110 მილიონით გაუფასურდა.
Arkham Intelligence-ის მონაცემებით, WLFI-ს მიერ 9 სხვადასხვა კრიპტოვალუტაში ჩადებული $336 მილიონი ახლა მხოლოდ $226 მილიონს უტოლდება.
ყველაზე დიდი დანაკარგი — Ethereum-ზე
WLFI-ს ყველაზე დიდი ზარალი Ethereum-ის გამო აქვს. პლატფორმამ Ethereum საშუალოდ $3,240-ზე შეიძინა, თუმცა, 10 მარტის მონაცემებით, მისი ფასი $2,000-მდეა დაცემული. ეს დაახლოებით $80.85 მილიონის ზარალს ნიშნავს, რაც საერთო პორტფელის 37%-ია.
Ethereum პლატფორმის ზარალის 65%-ს იკავებს.
ყველაზე გამძლე კრიპტოვალუტა — Tron
WLFI-ს პორტფელში ყველაზე გამძლე კრიპტოვალუტად TRON (TRX) სახელდება, რომელიც მხოლოდ 5%-ით გაუფასურდა. ეს განსაკუთრებით საყურადღებოა, რადგან სხვა კრიპტოაქტივები უფრო სერიოზულ ვარდნას განიცდიან.
WLFI-ის სხვა ინვესტიციები და ზარალი
WLFI-ს პორტფელში სხვა ცნობილი აქტივებიცაა:
- stETH – $10.27 მილიონი
- WHITE – $5.87 მილიონი
- Movement (MOVE) – $3.5 მილიონი
- Ondo (ONDO) – $296,000
ამ კრიპტოვალუტებმაც მნიშვნელოვანი წვლილი შეიტანეს კომპანიის ზოგად ზარალში.
ახალი ინვესტიციები ზარალის მიუხედავად
მიუხედავად ამხელა ზარალისა, WLFI აგრძელებს ინვესტირებას. 6 მარტს კომპანიამ დამატებით $21.5 მილიონის ღირებულების Ethereum, Wrapped Bitcoin (WBTC) და Movement Network-ის ტოკენები შეიძინა.
ასევე, კომპანია პარტნიორობს Sui Blockchain-თან — პლატფორმასთან, რომელიც ყოფილი Meta-ს ინჟინრების მიერ არის შექმნილი. ეს პარტნიორობა შესაძლოა WLFI-ის სხვა ბლოკჩეინ სისტემებში შესვლის მცდელობა იყოს, თუმცა ბევრი ჯერ კიდევ ეჭვით უყურებს ამ ნაბიჯს.
ტრამპი და WLFI-ის გავლენა კრიპტო ბაზარზე
WLFI 2024 წელს დაფუძნდა და DeFi სექტორში ერთ-ერთ ძლიერ მოთამაშედ იქცა. პლატფორმის 60%-ზე მეტი თავად ტრამპსა და მის ოჯახს ეკუთვნის.
მიუხედავად ზარალისა, იანვარში WLFI-მ $300 მილიონის ტოკენის გაყიდვა მოახერხა.
მაგრამ კრიტიკოსები აღშფოთებას გამოთქვამენ ტრამპის გავლენაზე კრიპტო ბაზარზე, რაც შესაძლოა ინტერესთა კონფლიქტსაც იწვევდეს, რადგან გავრცელდა ცნობები, რომ მისი მთავრობა მუშაობს აშშ-ისთვის სტრატეგიული კრიპტო რეზერვის შექმნაზე.
ტრამპის ოჯახი უარყოფს ბრალდებებს და აცხადებს, რომ WLFI-ს მართავს დამოუკიდებელი გუნდი, სადაც ტრამპი უშუალოდ არ ერევა.
დონალდ ტრამპის მიერ მხარდაჭერილი WLFI-ის $110 მილიონიანი ზარალი აჩვენებს, რამდენად არაპროგნოზირებადი შეიძლება იყოს კრიპტოვალუტის ბაზარი, თუმცა კომპანიის მხრიდან ინვესტიციების გაგრძელება მიუთითებს, გრძელვადიან პერსპექტივას
როგორც ჩანს, WLFI-ს მომავალი დამოკიდებული იქნება არა მხოლოდ ბაზრის მოძრაობებზე, არამედ იმაზე, რამდენად შეძლებს პლატფორმა ნდობის შენარჩუნებას ინვესტორებს შორის.
შენიშვნა: სტატია გათვალისწინებულია საინფორმაციო მიზნებისთვის და არ წარმოადგენს ფინანსურ რჩევას.
კრიპტოვალუტებთან დაკავშირებული სიახლეების სპონსორია Coinet.ge – იყიდე და გაყიდე კრიპტო მარტივად, სწრაფად და ზედმეტი დანახარჯების გარეშე.
წყარო: https://crypto.news/world-liberty-financial-unrealized-losses-110m-2025/
