Google-ის გეგმები Bitcoin-თან დაკავშირებით
2025 წლის 18 თებერვალს, ჰონგ კონგის Bitcoin Tech Carnival-ზე, Google-ის Web3 სპეციალისტმა, კაილ სონგმა, განაცხადა, რომ კომპანია მუშაობს Bitcoin-ის გამოყენების გამარტივებაზე Google-ის მომხმარებლებისთვის.
სონგის თქმით, Google „იძიებს გზებს, რათა Web2 მომხმარებლებმა Bitcoin-ის გამოყენება მარტივად შეძლონ.“ კომპანიამ Bitcoin-ის თავისი ეკოსისტემაში ინტეგრაციაზე მუშაობა დაახლოებით ერთი წლის წინ დაიწყო, მას შემდეგ, რაც SEC-მა Bitcoin ETF-ები დაამტკიცა.
რა დეტალები გაამხილა Google-ის წარმომადგენელმა?
სონგის გამოსვლიდან ჩანს, რომ Google ამზადებს მარტივ და ინტუიციურ გადაწყვეტილებას, რომელიც კრიპტოვალუტებს მილიარდობით ადამიანისთვის ხელმისაწვდომს გახდის.
კომპანია გეგმავს, რომ Bitcoin-ვალეტები Web2 ინტერფეისში ჩაშენდეს, რაც მომხმარებლებს საშუალებას მისცემს, Google ანგარიშით შევიდნენ თავიანთ BTC ვალეტებში. რაც შეეხება კრიპტო გადახდებს, Google მათ ისეთივე მარტივსა და ინტუიციურს გახდის, როგორც დღეს არსებული Web2 გადახდის მეთოდებია.
კიდევ ერთი მნიშვნელოვანი მიმართულება, რომელზეც Google-ის გუნდი მუშაობს, უსაფრთხოებაა. კომპანია ცდილობს, გადაჭრას ნდობის პრობლემა ბლოკჩეინსა და ტრადიციულ სისტემებს შორის. ამისთვის, Google აპირებს, გამოიყენოს Zero-Knowledge Proofs ან მსგავსი დაშიფვრის ტექნოლოგიები, რაც უზრუნველყოფს კონფიდენციალურობასა და უსაფრთხოებას.
რატომ არის ეს მნიშვნელოვანი?
მიუხედავად იმისა, რომ სონგის განცხადება სრულფასოვან ანონსს არ წარმოადგენდა, Google-ის ამ პროექტმა შეიძლება Bitcoin-ის მასობრივი მიღება უფრო მეტად დააჩქაროს, ვიდრე აქამდე რამემ შეძლო.
Google-ის მილიარდობით მომხმარებელი ჰყავს, რომელთაც უკვე აქვთ Google ანგარიშები. თუ ერთ დღეს ეს ადამიანები აღმოაჩენენ, რომ თავიანთი Google ანგარიშიდან შეუძლიათ Bitcoin-ის ყიდვა, გადაცვლა ან გადახდა, ეს კარდინალურად შეცვლის საზოგადოებრივ აღქმას კრიპტოვალუტების მიმართ.
განსაკუთრებით საინტერესო იქნება, თუ Google Pay-ს Bitcoin-ის მხარდაჭერა ექნება, რაც კრიპტოს უზარმაზარ მასშტაბურობას მიანიჭებს. ადამიანები იპოვიან მარტივ და უსაფრთხო გზას კრიპტოვალუტების გამოყენებისთვის, რაც მათ ახალ შესაძლებლობებს გაუხსნის.
თუმცა, უნდა გვახსოვდეს, რომ მსგავსი ამბიციური გეგმები წარსულშიც ჩავარდნილა. 2020 წელს, Facebook-მა და Telegram-მა თავიანთი კრიპტო პროექტების გაშვება ვერ შეძლეს, მიუხედავად იმისა, რომ ყველაფერი მზად ჰქონდათ.
Telegram-მა მოგვიანებით მხარი დაუჭირა მესინჯერში ჩაშენებულ კრიპტო-ვალეტებს, თუმცა მათ პოპულარობის მიუხედავად, შეზღუდვები და დაბრკოლებები მაინც აქვთ.
მოხერხებს Google-ს ის, რაც Facebook-მა და Telegram-მა ვერ შეძლეს?
2025 წლის რეალობა 2020 წლისგან განსხვავებულია. მაშინ Facebook Libra-სა და Telegram Gram-ის პროექტები რეგულაციებმა შეაჩერა, ხოლო დღეს SEC-მ Bitcoin ETF-ები დაამტკიცა, რაც კრიპტოს რეგულირების ახალი ეტაპის დასაწყისს ნიშნავს.
Gemini-ის თანადამფუძნებელმა, კემერონ უინკლვოსმა, Facebook Libra-ს ჩავარდნას პოლიტიკურად მოტივირებული უწოდა. ბაიდენის პრეზიდენტობის პერიოდში Operation Choke Point 2.0-ის ფარგლებში ბანკებმა კრიპტოკომპანიებთან თანამშრომლობაზე უარი თქვეს, ხოლო Facebook Libra პროექტი ამ პროცესის ერთ-ერთ პირველ მსხვერპლად იქცა.
თუმცა, პარადოქსული ფაქტია, რომ Google-ის ამ პროექტის რეალიზებაში შესაძლოა იმავე ადამიანმა შეუწყოს ხელი, ვინც ადრე კრიპტოინდუსტრიას ბარიერები შეუქმნა – SEC-ის თავმჯდომარე გარი გენსლერმა, რომელმაც Bitcoin ETF-ების დამტკიცებას ხელი მოაწერა.
Bitcoin ETF-ების როლი
Bitcoin ETF-ების დამტკიცება ტრადიციული ფინანსებისა და კრიპტოს შორის ხიდად აღიქმება. ETF-ები იურიდიულად გამჭვირვალე ფორმით საშუალებას აძლევს ინვესტორებს, Bitcoin-ის ბაზრის ღირებულებიდან სარგებელი მიიღონ, ყოველგვარი რეგულაციური პრობლემების გარეშე.
განსაკუთრებით აღსანიშნავია ის ფაქტი, რომ BlackRock-ის Bitcoin ETF (IBIT) ისტორიაში ყველაზე სწრაფად მზარდი აქტივი გახდა, რაც კიდევ ერთხელ ადასტურებს, თუ რამდენად გარდამტეხი მოვლენა იყო ETF-ების დამტკიცება.
თუ Google მართლაც შეძლებს Bitcoin-ის Web2 სამყაროსთან ინტეგრაციას, ეს კრიპტოსთვის ახალი ეპოქის დასაწყისი იქნება.
შენიშვნა: სტატია გათვალისწინებულია საინფორმაციო მიზნებისთვის და არ წარმოადგენს ფინანსურ რჩევას.
კრიპტოვალუტებთან დაკავშირებული სიახლეების სპონსორია Coinet.ge – იყიდე და გაყიდე კრიპტო მარტივად, სწრაფად და ზედმეტი დანახარჯების გარეშე.
