ინდოეთის სარეზერვო ბანკის მმართველმა შაკტიკანტა დასმა გაფრთხილება გამოსცა. მისი თქმით, თუ კრიპტოვალუტა რეგულირდება და მიეცემა ზრდის უფლება, მაშინ ამან შესაძლოა, ფინანსური დეფექტი გამოიწვიოს.
21 დეკემბერს Business Standard BFSI Insight Summit-ზე გამოსვლისას, შაკტიკანტა დასი ამტკიცებდა, რომ კერძო კრიპტოვალუტები, რომლებიც არ არის გამოშვებული ბანკების ან მთავრობების მიერ, არაფრით არის მხარდაჭერილი და არის წმინდა ინსტრუმენტები სპეკულაციისთვის.
”მათ არ აქვთ ძირითადი ღირებულება. მათ აქვთ დიდი თანდაყოლილი რისკები ჩვენი მაკროეკონომიკური და ფინანსური სტაბილურობისთვის. მე ჯერ არ მომისმენია რაიმე სარწმუნო არგუმენტი იმის შესახებ, თუ რა საზოგადოებრივ სიკეთეს ან რა საზოგადოებრივ მიზანს ემსახურება იგი“, – აღნიშნა ინდოეთის სარეზერვო ბანკის მმართველმა.
„კრიპტოვალუტით ვაჭრობა მთლიანად სპეკულაციური აქტივობაა. მე მაინც ვიქნები იმ აზრზე, რომ ის უნდა აიკრძალოს. ჩემი აზრით, შემდეგი ფინანსური კრიზისი მოვა კერძო კრიპტოვალუტებიდან“,- აღნიშნა ინდოეთის სარეზერვო ბანკის მმართველმა.
RBI-ს ხელმძღვანელმა მიუთითა FTX საკითხზე. FTX-ს ახლად ექსტრადირებული სემ ბანკმენ-ფრიდი ხელმძღვანელობდა.
