Ripple-ის მომხმარებლებს შესაძლოა, მომავალში Ethereum-თან თავსებად დეცენტრალიზებულ აპლიკაციებთან (DApps) ჰქონდეთ კავშირი, რასაც Ripple-ის ახალი XRP-ის სატესტო ფაზის დაწყება მოასწავებს.
ამის შესახებ, ცოტა ხნის წინ, Blockchain განვითარების კომპანია Peersyst Technologies-მა “ტვიტერზე” დაწერა და აღნიშნა, რომ ახალი sidechain თავსებადია Ethereum ვირტუალურ მანქანასთან (EVM).
ეს კი იმას ნიშნავს, რომ Ripple-ის მომხმარებლებს საბოლოოდ შეეძლებათ ჰქონდეთ ისეთ DApp-ებზე წვდომა, როგორიცაა Uniswap და Web3 საფულეები.
ახალ sidechain-ს ასევე გააჩნია ჯვარედინი ხიდი, რომელიც აშენებულია XRP-დან სხვა აქტივების გადასატანად EVM-ის მხარდაჭერილ გვერდითა ქსელსა და XRP Ledger Devnet-ს შორის.
RippleX პროგრამული უზრუნველყოფის ინჟინრის განცხადების თანახმად, გამოშვება ნიშნავს, რომ დეველოპერებს აღარ უწევთ არჩევანის გაკეთება XRPL ან EVM-თან თავსებადი Blockchain შორის.
“დეველოპერებს ასევე შეეძლებათ წვდომა XRPL-ის სწრაფ დაბალფასიან ტრანზაქციებზე და Solidity-ზე დაფუძნებული “ჭკვიანი კონტრაქტების” შემოტანა XRPL-ზე”, – განაცხადა პროგრამული უზრუნველყოფის ინჟინერმა.
XRP-ზე დაფუძნებული EVM-თან თავსებადი გვერდითი ქსელი მორგებულია Tendermint პროტოკოლით და წამში 1000 ტრანზაქციის დამუშავებას (TPS) ისახავს მიზანდ.
