Google Cloud-ს მომხმარებლებისთვის, რომლებიც კრიპტოვალუტის მაინინგის შეტევების რისკის ქვეშ არიან, სიახლე აქვს.
უსაფრთხოების ცენტრის გუნდმა შექმნა საფრთხის აღმოჩენის სერვისი, რათა „ცუდად კონფიგურირებული“ ანგარიშები დაიცვას, რომლებსაც თავდამსხმელები კრიპტოვალუტის მოსაპოვებლად იყენებენ.
Google Cloud-ის უსაფრთხოების ცენტრის ჯგუფის მიერ საფრთხის გამოვლენის (VMTD) პროგრამის გამოშვების შესახებ გახდა ცნობილი. VMTD-ი წარმატებით ამოიცნობს საფრთხეებს, მათ შორის კრიპტო-მაინინგის მავნე პროგრამებსაც.
კრიპტო-მაინინგის მავნე პროგრამების შეტევები საკმაოდ გახშირდა.
გასულ წელს გამოქვეყნებული სტატისტიკის მიხედვით, გამოაშკარავებული 50 ინციდენტიდან, რა დროსაც Google Cloud-ის გატეხვა მოხდა, 86% კრიპტო მაინინგთან იყო დაკავშირებული.
ჯერ კიდევ შარშან თურქული მედია იუწყებოდა, რომ სამართალდამცავი ორგანოები Dogecoin-ის მაინინგის თაღლითობის საქმეს იძიებდნენ.
მედიის მიერ გავრცელებული ინფორმაციის თანახმად, პოლიციამ სქემის ეჭვმიტანილი ონლაინ ოპერატორი “Turgut V” გამოავლინა.
პოლიცია მიიჩნევდა, რომ “Turgut V”-მ და მისმა 11-მა თანამოაზრემ 350 მილიონამდე Dogecoin-ის მოპოვება მოახერხეს მანამ, სანამ გაუჩინარდებოდნენ.
გავრცელებული ინფორმაციით, მთავარმა ეჭვმიტანილმა ინვესტიციის განხორციელება თურქეთის 1,500 მოქალაქისგან ითხოვა, რაც Dogecoin–ის მოპოვების ოპერაციას აადვილებდა.
თაღლითები კი ინვესტორებს 100%-იან ანაზღაურებას 40 დღეში ჰპირდებოდნენ.
არაკანონიერი ოპერაცია შეუფერხებლად მიმდინარეობდა პირველი სამი თვის განმავლობაში. უნდა აღინიშნოს, რომ ინვესტორები ანაზღაურებას დაპირებისამებრ იღებდნენ.
თუმცა, მას შემდეგ, რაც სქემის მთლიანმა ღირებულებამ 350 მილიონ Dogecoin-ს მიაღწია, მეოთხე თვეში თაღლითებმა ფული მიითვისეს და ონლაინ სივრციდან გაუჩინარდნენ.
