ორშაბათს, 7 ივნისს ციფრული ვალუტების ბაზარი შემცირდა.
ბიტკოინის ფასი 34.130 დოლარზე დაეცა. უკანასკნელი 24 საათის განმავლობაში ბიტკოინის ფასის ნიშნული დაახლოებით 5%-ით შემცირდა. დღის განმავლობაში ფასი კი 35.000-სა და 36.000-ს შორის მოძრაობდა.
აღსანიშნავია, რომ კვირის განმავლობაში ბიტკოინის კურსი მხოლოდ 7.28%-ით არის შემცირებული.
რაც შეეხება ეთერიუმს: ეთერიუმის კაპიტალიზაცია 305 მილიარდ დოლარს შეადგენს.
CoinMarketCap-ის მონაცემების მიხედვით, ბოლო 24 საათის განმავლობაში ეთერიუმის ღირებულება 3.46%-ით შემცირდა. დღის განმავლობაში ალტკოინის კურსი 2.700-სა და 2.600 დოლარს შორის მოძრაობდა.
უნდა აღინიშნოს, რომ კვირის განმავლობაში ეთერიუმის ფასი მხოლოდ 0.25%-ით არის შემცირებული.
შეგახსენებთ, რომ CoinMarketCap-ის მონაცემების თანახმად, 7 ივნისს, დღის ბოლოს, კრიპტოვალუტების მთლიანი საბაზრო კაპიტალიზაცია დაახლოებით ტრილიონ 549 მილიარდ დოლარს შეადგენდა.
