თურქეთის საბაჟომ 500-ზე მეტი მაინინგის კონტრაბანდული ტექნიკის კონფისკაცია მოახდინა.
თურქეთის სამართალდამცავებმა უკანონო კონტრაბანდასთან დაკავშირებით ოპერაცია ჩაატარეს და უკანონო მაინინგის ტექნიკა აღმოაჩინეს.
ინფორმაციის მიღების შემდეგ კონტრაბანდის წინააღმდეგ ბრძოლისა და სადაზვერვო ჯგუფებმა მითითებულ საწყობში, 501 ASIC, ბიტკოინის მაინინგის დანადგარი იპოვნეს. სამართალდამცავები აცხადებენ, რომ დაყადაღებული აღჭურვილობის სავარაუდო ღირებულება 5 მილიონი თურქული ლირა, ანუ დაახლოებით 600,000 აშშ დოლარი იყო.
სამართალდამცავებმა გამოძიების ფარგლებში ოთხი ეჭვმიტანილი დააკავეს.
ASIC-ი ბიტკოინის მოპოვების ყველაზე პოპულარული გზაა, რომელიც ელექტროენერგიის მაღალი მოხმარებით გამოირჩევა. გავრცელებული ინფორმაციით, ამჟამად, სამართალდამცავი ორგანოები კიდევ ერთ აქტიურ ოპერაციას სტამბოლში ახორციელებენ.
უნდა აღინიშნოს, რომ ცოტა ხნის წინ, თურქეთმა კრიპტო თაღლითობებისა და გარიგებების მონიტორინგი გააძლიერა. გასულ თვეში, თურქულმა კრიპტო ბირჟამ, Thodex-მა შეაჩერა 150 მილიონზე მეტი ფინანსური ოპერაცია, რამაც ათასობით მომხმარებელს ხელი შეუშალა სახსრებზე წვდომაში.
