3 მაისს ეთერიუმმა 3,000 დოლარის ნიშნულს პირველად მიაღწია.
გუშინ ეთერიუმზე ვაჭრობა 2.951 დოლარზე გაიხსნა. დღის განმავლობაში დაფიქსირებული ფასის ყველაზე მაღალი ნიშნული კი 3.450 დოლარს შეადგენდა. ყველაზე დაბალი დონე კი კვლავ 2.951 დოლარზე დაფიქსირდა.
დღის ბოლოს კი ეთერიუმზე ვაჭრობა 3.431 დოლარზე დაიხურა. კვირის განმავლობაში ალტკოინის ფასის მაჩვენებელი დაახლოებით 35%-ით გაიზარდა.
ბოლო 24 საათის მანძილზე კი ეთერიუმის კურსი 10%-ით გაუმჯობესდა.
დაფიქსირებული ფასის ზრდის ტალღა ეთერიუმს საშუალებას მისცემს, მთლიანი საბაზრო კაპიტალის ოდენობით, გადაუსწორს ისეთ კომპანიებს როგორიცაა Walt Disney Company-ი და Bank of America.
მიუხედავად იმისა, რომ აღნიშნული საბაზრო ღირებულა ჯერ ახლოსაც არ არის პირველობასთან მიმდინარე ტემპის საფუძველზე, შეიძლება ითქვას, რომ ეთერიუმს აქვს დაწინაურების რეალური შესაძლებლობა.
ანალიტიკოსები ფიქრობენ, რომ უკვე აღარ არის გამორიცხული, რომ ალტკოინმა გადაუსწროს ბიტკოინს და გახდეს, ერთ-ერთი ყველაზე დიდი ციფრული ვალუტა მსოფლიოში. თუმცა იქვე აღნიშნავენ, რომ აქამდე, ჯერ ძალიან ადრეა.
