მედიის მიერ გავრცელებული ინფორმაციის თანახმად, სამხრეთ კორეული ინტერნეტ გიგანტი Naver-ი Bithumb–ით არის დაინტერესებული.
როგორც ცნობილია, Naver-მა დაიწყო მოლაპარაკებები ქვეყნის ყველაზე დიდი კრიპტოვალუტის ბირჟის, Bithumb– ის წილის შესაძენად. Naver–მა განიხილა კაპიტალის შესაძლო წილის შეძენა Bithumb–ის მთავარ დაინტერესებულ მხარე Vidente–სთან.
ამის შესახებ ინფორმაცია Maeil Business Newspaper-მა გაავრცელა.
Naver-ი არის სამხრეთ კორეის უდიდესი საძიებო სისტემისა და Line მესენჯერის მიმწოდებელი, რომელიც ცდილობს გააფართოვოს თავისი პლატფორმა ფინტეკ ბაზარზე.
ასევე გავრცელებული ინფორმაციით, ინტერნეტ გიგანტი აპირებს დაამატოს ბიტკოინი, როგორც გადახდის საშუალება Naver Pay-სა და Line Pay-ზე.
ამასთანავე, მედია იუწყება, რომ სულ მცირე 10 კომპანია Bithumb–ის წილის შესყიდვით არის დაინტერესებული. მათ შორის აშშ–ს ისეთი მსხვილი საინვესტიციო ბანკები, როგორიცაა Morgan Stanley, JPMorgan-ი და გადახდის გიგანტი Visa.
აგრეთვე მსოფლიოში ერთ-ერთი უმსხვილესი კრიპტოვალუტის ბირჟა Binance-ი გამოთქვამს სურვილს Bithumb-ის წილის შეძენაზე.
The Korea Times-ის ინფორმაციის თანახმად, Deutsche Bank-ი ასევე არის პოტენციურ ინვესტორთა სიაში.
