ცოტა ხნის წინ ჩატარებული გამოკითხვის თანახმად, ამერიკის შეერთებული შტატების მოქალაქეების 60%-მა განაცხადა, რომ მათთვის განკუთვნილ ფინანსურ დახმარებას ბიტკოინში გადაიტანენ.
აღნიშნული გამოკითხვა ჩატარდა Mizuho Securities–ის მიერ.
საუბარია ჯო ბაიდენის მიერ გამოცხადებულ დახმარების პაკეტზე. დახმარების პაკეტის თანახმად, ბიუჯეტში 1,9 ტრილიონი დოლარი გამოიყო პანდემიისგან მიყენებული ზარალის აღმოსაფხვრელად.
აქედან დაახლოებით თანხის 10%, რომელიც არის 400 მილიარდი დოლარი, გადაეცემათ ამერიკის მოქალაქეებს პირადი გამოყენებისათვის, რაც დაახლოებით თითოეულ ადამიანზე 1400 დოლარი გამოდის.
გამოკითხული 235 ადამიანიდან, ვისი წლიური შემოსავალიც 150,000 დოლარზე ნაკლებია, 40%-იც აცხადებს, რომ მათთვის განკუთვნილი დახმარების მიღების შემდეგ შეიძენენ ბიტკოინს.
ჯო ბაიდენმა 11 მარტს ხელი მოაწერა 1,9 ტრილიონ დოლარიანი პაკეტის შექმნას. იგი მოიცავს 1,400 დოლარის გადაცემას 80.000 დოლარზე ნაკლები შემოსავლის მქონე მრავალი ადამიანისთვის.
აღსანიშნავია, რომ საუბარია არა ოჯახზე ჯამურად გადაცემულ 1400 დოლარზე, არამედ იმაზე, რომ ოჯახის თითოული წევრი მიიღებს 1400 დოლარის ოდენობის დახმარებას.
