სამშაბათს, პირველ ივნისს, ციფრული ვალუტის ბაზარი მნიშვნელოვნად არ გაუმჯობესებულა. შეიძლება ითქვას, რომ ბოლოდროინდელი ფასის კლების შემდეგ ციფრული ვალუტის ფასებს მატება არ განუცდია.
დღეს ბიტკოინის კურსი 36.100 დოლარის ფარგლებში მოძრაობდა. უნდა აღინიშნოს, რომ გუშინ, ფასის ყველაზე მაღალი ნიშნული 37.400 დოლარს შეადგენდა.
ამასთანავე, კვირის განმავლობაში ბიტკოინის კურსი დაახლოებით 6%-ით შემცირდა.
ბაზარზე ბიტკოინის დომინირების მაჩვენებელი 42.1%, ხოლო ეთერიუმის – 18.7% შეადგენდა.
რაც შეეხება ეთერიუმს: ბოლო 24 საათის განმავლობაში ალტკოინის კურსმა დაახლოებით 4%-ით მოახერხა გაუმჯობესება. დღის განმავლობაში ეთერიუმის ფასის ნიშნული 2.500 დოლარის ფარგლებში მოძრაობდა.
შეგახსენებთ, რომ CoinMarketCap-ის მონაცემების თანახმად, პირველ ივნისს, დღის პირველ ნახევარში, კრიპტოვალუტების მთლიანი საბაზრო კაპიტალიზაცია დაახლოებით ტრილიონ 603 მილიარდ დოლარს შეადგენდა.
