ხუთშაბათს, 4 ივნისს კრიპტოვალუტების საბაზრო კაპიტალიზაცია გუშინდელ დღესთან შედარებით გაუმჯობესდა.
Coinmarketcap-ის მონაცემების მიხედვით, კრიპტოვალუტების უმრავლესობამ კურსის ზრდის ტენდენცია აჩვენა.
რაც შეეხება უშუალოდ კრიპტოვალუტებს:
ბიტკოინმა ბოლო 24 საათის განმავლობაში 2%-ით მოიმატა. ამ ეტაპისთვის, კრიპტოვალუტის ღირებულება დაახლოებით, 9.811 დოლარს შეადგენს.
უნდა აღინიშნოს, რომ ბიტკოინმა კურსის ვარდნის ტენდენცია ივნისის დასაწყისში ზრდისკენ შეცვალა და კურსი 9.000 დოლარზე შეჩერდა.
ამ ეტაპზე ბიტკოინის საბაზრო წილი 65%-ს შეადგენს.
აღსანიშნავია ეთერიუმის ფასის მომატებაც. ალტკოინის კურსი ბოლო 24 საათის განმავლობაში თითქმის ერთი პროცენტით გაიზარდა. ფასმა კი 244 აშშ დოლარი შეადგინა.
4 ივნისის Coinmarketcap-ის მონაცემების თანახმად, კრიპტოვალუტების მთლიანი საბაზრო კაპიტალიზაცია ჯერჯერობით ისევ 300 მილიარდის ქვემოთ არის ჩამოსული, კონკრეტულად კი კრიპტოვალუტების კაპიტალიზაციის მაჩვენებელი 277.571.556.753 დოლარს შეადგენდა.
