შეერთებულ შტატებში დაფუძნებულმა ტოპ ბანკებმა და ფინანსურმა ინსტიტუტებმა ბოლო სამი წლის განმავლობაში კრიპტო ექსპერტის პოზიციაზე 1000-ზე მეტი ვაკანსია გამოაცხადეს.
Bloomberg-ის თანახმად, ფინანსური ინსტიტუტები მნიშვნელოვან ბონუსებს კრიპტოტალანტების მოსაზიდად გამოიყენებენ.
Johnson Associates-ის შეფასებით, კრიპტო პოზიციებზე ხელფასი 20%-დან 30%-მდე უფრო მეტია, ვიდრე იმ პოზიციებზე, რომლებიც არ არის დაკავშირებული ციფრულ ვალუტასთან. ასევე ბევრი წამყვანი თანამდებობის კრიპტოვალუტის სექტორის სპეციალისტი 50%-მდე გაზრდილ ხელფასს იღებს.
კვლევითმა კომპანია Revelio Labs-მა 287 კრიპტო დაქირავება გააანალიზა. კომპანიამ დაასკვნა, რომ ციფრული ვალუტის სპეციალისტები სარგებლობენ საშუალოდ 9%-ით გაზრდილი ანაზღაურებით, ვიდრე ბანკის თანამშრომლები.
ოქტომბერში, LinkedIn-მა განაცხადა, რომ 2020 წლის აგვისტოდან კრიპტოვალუტასა და Blockchain ტექსნოლოგიასთან დაკავშირებული სამუშაო პოზიციების სია 615%-ით იყო გაზრდილი.
შეგახსენებთ, რომ გასულ წელს აშშ-ს სახაზინო დეპარტამენტმა კრიპტო ინდუსტრიის ექსპერტების პოზიციაზე ვაკანსია გამოაცხადა.
ვაკანსია მიზნად ისახავდა ექსპერტების მოძებნას, რომლებიც შეაფასებდნენ ფინანსურ საფრთხეებსა და რისკებს. გარდა ამისა, ანალიტიკოსებს ევალებოდათ დეპარტამენტის პოლიტიკის შემუშავებაში მონაწილეობის მიღება.
